Bishop Benjamin Dube, umuririmbyi ukomoka muri Afurika y’Epfo ufite izina rikomeye mu muziki wo kuramya no guhimbaza Imana ku ruhando mpuzamahanga, yateguje abanyarwanda bagiye kumubona n’amaso yabo ku nshuro ya mbere igitaramo gikomeye azakorera mu Rwanda mu kwezi kwa munani tariki ya 11.08.2019.

Benjamin Dube agiye kuza mu Rwanda mu gitaramo yatumiwemo n’itsinda ry’abaririmbyi rya True Promises Ministry cyiswe ‘True Worship Live Concert’ kizabera kuri Kigali Exhibition Camp Kigali Conference and Exhibition Village tariki 11/08/2019.Mu mashusho ya Benjamin Dube Inyarwanda ifite ,yemeje ko azitabira iki gitaramo kandi ko afite amatsiko menshi yo gutaramira abakunzi be batuye mu Rwanda. Yagize ati:“Nzaza mu gitaramo cya True Worship tariki 11 Kanama 2019. Mfite amatsiko yo kubabona mwese abari mu Rwanda. Imana ibahe umugisha.”

Benjamin Dube ukunzwe bikomeye muri Afrika byongeye akaba afatirwaho icyitegererezo na benshi mu bahanzi bo mu Rwanda agiye gutaramira mu Rwandaku nshuro ya mbere. Aherutse gushyira hanze indirimbo nshya yitwa “You Love Me”. Benjamin Dube azwi mu ndirimbo zinyuranye zirimo; Ngiyakuthanda, He keeps on doing, Yiwo Lawa Amandla, Bless the Lord,  Bow dawn and worship n’izindi nyinshi. True Promises yatumiye Benjamin Dube, izwi cyane mu ndirimbo ‘Mana Urera’ n’izindi zinyuranye zirimo; Nzakwamamaza, Wadushyize ahakwiriye, Nzamubona, Ndabihamya n’izindi.

Benjamin Dube ari mu bahanzi ba Gospel bakunzwe cyane muri Afrika

True Promises Ministry igiye gukora igitaramo cy’amateka

Igitaramo Benjamin Dube yatumiwemo mu Rwanda

REBA HANO ‘ELSHADAI MEDLE’ YA BENJAMIN DUBE FT SPIRIT OF PRAISE 5

REBA HANO ‘HE KEEPS ON DOING’ YA BENJAMIN DUBE

Source:inyarwanda.com

TANGA IGITEKEREZO

Shyiramo Igitekerezo cyawe
Shyiramo Izina ryawe hano