Abantu bagera kuri 40 bishwe n’ihirima ry’imisozi ryatewe n’imvura nyinshi yaguye ku wa Kane tariki ya 11 Ukwakira 2018, mu Burasirazuba bwa Uganda, Ababarirwa mu magana bakaba baburiwe irengero.

Leta ya Uganda itangaza ko amatsinda y’abakora ibikorwa by’ubutabazi boherejwe muri ako gace byabereyemo, kari hafi y’umupaka na Kenya.

Amazi y’iyi mvura yakumunzuye ibyaro bimwe n’isoko biri mu karere ka Bududa mu Burasirazuba bwa Uganda.

Perezida Yoweri Kaguta Museveni yavuze ko hari gutekerezwa ku buryo bwo kwirinda ibindi biza nk’icyo. Yongeyeho ati”Nihanganishije imiryango yabuze abayo muri iki kiza.”

Umuryango utabara imbabare wa Croix-Rouge ishami ryawo rikorera muri Uganda, watangaje iyi foto ku rubuga nkoranyambaga rwa Twitter igaragaza aho byabereye.utangaza abantu n’amatungo byagizweho ingaruka n’ibi biza.

Croix Rouge ikaba itangaza ko abakorerabushake bayo bari muri aka gace gutabara abantu babavana mu masayo, ikaba igaragaza ifoto y’ikimasa cyatwawe n’amazi agitsindika mu gishanga, kikaba cyari yarengewe n’amazi.

Source:bwiza.com

TANGA IGITEKEREZO

Shyiramo Igitekerezo cyawe
Shyiramo Izina ryawe hano