Moise Katumbi Chapwe, Governor of Democratic Republic of Congo's Katanga province, is pictured during an interview, on June 2, 2015 in Lubumbashi. AFP PHOTO / FEDERICO SCOPPA / AFP PHOTO / FEDERICO SCOPPA

Umuyobozi w’Abatavuga rumwe na Leta muri Repubulika Iharanira Demokarasi ya Congo, Moise Katumbi yangiwe gusubira mu gihugu cye kwiyamamaza ku mwanya w’umukuru w’igihugu mu matora ateganijwe mu Ukuboza.

Mu gitondo cyo ku wa Gatanu tariki ya 3 Kanama 2018, nibwo yasabye uruhushya rwo kwinjira mu gihugu kugira ngo ashyikirize kandidatire ye inzego zishinzwe amatora arangirwa.

Akaba yari agiye gutanga kandidatire ye nyuma yaho ishyaka rye ritangarije ko ariwe uzarihagararira.

Amakuru atangazwa na BBC, avuga ko abashinzwe umutekano bari bakwiriye umuhanda mukuru i Lubumbashi ndetse n’igipolisi gikwira imihanda, ngo ku bw’umugambi bari bafite wo kubuza kugwa indege yari kuba izanye Katumbi ivuye muri Afurika y’Epfo.

Minisitiri w’itangazamakuru, Lambert Mende, avuga ko uyu Katumbi wahoze ayoboye intara ya Katanga ikungahaye ku mabuye y’agaciro, azafatwa mu gihe cyose yagerageza kwinjira muri Congo akoresheje indege rusange itwara abagenzi.

Katumbi yavuye muri Congo mu 2016 nyuma yo gushwana na perezida Joseph Kabila. Nyuma yashinjwe icyaha cyo gusahura umutungo wa Leta n’ibindi byaha akatirwa igifungo cy’imyaka itatu adahari.

Source: Bwiza.com

TANGA IGITEKEREZO

Shyiramo Igitekerezo cyawe
Shyiramo Izina ryawe hano